“La poezio es la linguo dil sonji.”

T. M.



domenica 19 ottobre 2014

60 haiku Japoniana


Nova edituro elektronikala: kolekturo de haiku.

Regardez interne: ol kontenas konkurso!

Deskargez ol kliktante sur l'imajo:

https://drive.google.com/file/d/1M2cky9TPfYk5RsBuFMThuKrXV0cvBAXK/view?usp=sharing

 
Bona lekto!
 

domenica 12 ottobre 2014

JORNO DI PRINTEMPO


JORNO  DI  PRINTEMPO

 

La  flori

ostentas  fiera

sua  vesteti

multakolora ;

la  folii

verdigita  dal  suno

spegulregardas  su

en  la  tapiso  ek  herbo  densa ;

la  floki

dil  leon-dento

fluktuas  en  l’aero

quale  blanka  parafaladi ;

 
la  suno

radioza

pektas  en  la  cielo

sua  longa  hari  blonda

qui  karezas

la  nubeti  lanatra ;

l’uceli

pleas  inter  la  branchi

noto  pos  noto

la  tota  particiono

di  sua  richa  polifonii

dum  ke  la  foliari

aplaudas

vizitata  da  la  brizo .

En  la  tepideso

dil  posdimezo

la  printempo  kontentigita

su  bersas .

 

T. M.

L’INF... IN IDO!

Me tradukis la sequanta poemo ad Ido cirkume ante un yaro, ma til nun me ne publikigis olu hike: me ne tre prizis ol pro le tro multa “c”. T...