venerdì 19 giugno 2015

Suplemento a LA PLUMO IDALA


Kara lekteri,

ica esas Suplemento a La Plumo Idala.



Deskargez ol HIKE

Tiberio

venerdì 30 gennaio 2015

LA PLUMO IDALA numero 6


La sisesma numero di "La Plumo Idala"

 
Deskargez ol HIKE


domenica 25 gennaio 2015

BLANKA KRISTNASKO


Kara lekteri,

ica esas versiono en Ido di la kansono "White Christmas".
Ol ne esas tradukuro segunvorta, ma versiono kantebla.


BLANKA KRISTNASKO


Me revas pri lejer nivo

qua igez omno blankeskar;

l’arborpinti brilez,

la floki instilez

en ni

fablo Kristnaskal.


Me revas pri lejer nivo

ed, esperante, me dezir

ke tua vivo esez joyoz

quale tua Kristnaski tre nivoz.



T. M.

martedì 18 novembre 2014

LA KALUMNIERO


LA KALUMNIERO



La kalumniero

fingere

dicis a me:

“Ka tu vol teo

o kafeo?

Prenez taso

de varma kafeo

(me adjuntos ad olu

tri kulieredi

de mea kalumnii),

e kun la taso

prenez anke

pladeto

(icamaniere

la fluanta kalumnii

di mea fablo

ne makulizos

la tablo).

Yen anke por tu

mol karamelo

Polona

tre dolca

(tante dolca

quante bitra

esos

mea difami

por tu).

Tu darfas prenar

vejetarala repasto

sen fromajo

(ye olua plaso

me sorgos pozar

inter la legumi

mea richa kalumnii).

E me dankas tu

pro tua libreti,

me lektos li amba

(e kambie

me skribos por tu

me inventos por tu

difamanta historii).

Danko anke

pro la chokoladeti,

me gustos li

(ante gustar

l’efekto saporoza

dil fantazioza difami).”



La kalumniero

fingere

dicis a me

la vorti sordida.



La trahizero

mentiere

preparis a me

la granda surprizo.



Tiberio Madonna

domenica 19 ottobre 2014

60 haiku Japoniana


Nova edituro elektronikala: kolekturo de haiku.

Regardez interne: ol kontenas konkurso!

Deskargez ol kliktante sur l'imajo:

http://sites.google.com/site/eurikido/60haikuJaponiana.pdf

 
Bona lekto!
 

domenica 12 ottobre 2014

JORNO DI PRINTEMPO


JORNO  DI  PRINTEMPO

 

La  flori

ostentas  fiera

sua  vesteti

multakolora ;

la  folii

verdigita  dal  suno

spegulregardas  su

en  la  tapiso  ek  herbo  densa ;

la  floki

dil  leon-dento

fluktuas  en  l’aero

quale  blanka  parafaladi ;

 
la  suno

radioza

pektas  en  la  cielo

sua  longa  hari  blonda

qui  karezas

la  nubeti  lanatra ;

l’uceli

pleas  inter  la  branchi

noto  pos  noto

la  tota  particiono

di  sua  richa  polifonii

dum  ke  la  foliari

aplaudas

vizitata  da  la  brizo .

En  la  tepideso

dil  posdimezo

la  printempo  kontentigita

su  bersas .

 

T. M.

sabato 27 settembre 2014

LA PLUMO IDALA numero 5


La kinesma numero di "La Plumo Idala"

 
Deskargez ol HIKE